نكت جامدة جدا جدا جدا

- دابا هادو واحد جوج من صحاب اللحية ركبو فطاكسي و ماكانش عندهوم الفلوس و اتفقوا باش غير يوصلهم الطاكسي للبلاصة اللي غاديين ليها ينزلو و يهربو و ملي وصلهم الطاكسي نزلو و هربو و هو الشيفور ديال الطاكسي هرب حتى هو حسابليهوم راهوم ارهابيين و دارو ليه قنبولة فالطاكسي.
- هذا واحد المعلم فداكشي ديال محاربة الأمية سول واحد الشيبانية على واحد الحيوان يعيش في البر ثم البحر و هي تقوليه الشبانية حمار البحر.
- دابا واحد النهار فواحد الطيارة جات المضيفة قالت للمسافرين اللي جاتو الدوخة يعيط عليا باش نعطيها الكينة ديال الراس و ملي داز شوية ديال الوقت قالت ليهوم شكون اللي داخ و هو واحد الراجل يقوليها أنا أنا و هي تعطيه الكينة و شربها و عاوتاني من بعد قالت ليهوم شكون اللي داخ و هو نفس الراجل قاليها أنا أنا و هي تعطيه الكينة عاوتاني و شربها و وقتما كيتقول شكون اللي داخ و هداك الراجل تايقوليها أنا أنا و بقات كتعطيه الكينة و كايشربها حتى مات و لي جاو قلبوليه La Carte Nationale لقاو سميتو محمد داخ.
- هذا واحد المراكشي كان سايق الطوموبيل ديالو فالدار البيضاء و كان الFeu-rouge و ماوقفش فيه و هو يشدو البوليسي قاليه علاش مواقفتيش فالضو الاحمر قاليه المراكشي ماشي شي حموريا حتى لتماك بحال اللي عندنا فمراكش.
- هذا فرنساوي و ميريكاني و طالياني و عروبي قاليهوم الملك اللي كلا ليا قفة عامرة بالهندية (الكرموس الهندي) غانعطيه بقرة وى ثور جا الفرنساوي كلا الربع فالقفة و هو يتعصم جا الميريكاني كلا النص فيها و هو يتعصم جا الطالياني حتى هو كلا النص فالقفة ديالو و هو يتعصم جا العروبي كلا الهندية كاملا اللي فالقفة ديالو و هو يقوليه الملك برافو آش بغيتي بقرة و لا ثور قاليه العروبي ما بغيت لا بقرة لا ثور وا فكني من اللور.

مشكور عماد بارك الله فيك